Genoa po përjeton orë të vështira pas rrëzimit të “Urës Morandi”, ku ekipet e shpëtimit në terren kanë nisur operacionet për kërkimin e viktimave e të mbijetuarve nën rrënoja.
Ura, pjesë e një autostrade që lidh qytetin me aeroportin e më me Savona-n, u ndërtua që në vitet ’60. Ajo, kishte poshtë saj biznese, magazine, deri dhe godina banimi. Një defekt në strukturë mendohet ta ketë shkaktuar shembjen. E gjitha ndodhi teksa qyteti i njohur italian ishte përfshirë nga një mot i rënduar me rreshje.
“Unë po ndjek me shumë frikë se çfarë ka ndodhur në Gjenovë dhe kjo është një tragjedi e tmerrshme. Po shkojmë në vendin e ngjarjes me zëvendësministrin Rixi”, shkruajti në Tëitter, Ministri i Transportit dhe Infrastrukturës, Danilo Toninelli.
Viktimat nën rrënoja mendohet të jenë me dhjetra. /tesheshi.com/
