Deçani po kalon një situatë të pazakontë si pasojë e një helmimi masiv, i cili ka cenuar shëndetin e afro 1500 personave, banorë të atyshëm. Ka patur dhe dy jetëhumbje, por që nuk lidhet drejtpëdrejt me helmimin.
Drejtori i Qendrës së Mjekësisë familjare në Deçan, Selmon Berisha tha se ato kanë lidhje me problemet kardiake.
“Deri më tani kemi 1500 pacientë të cilët kanë simptoma helmimi. Ende nuk e dimë nëse është hibride, gazore apo virale. Të gjithë pacientët që kanë kërkuar ndihmë e kanë marrë ndihmën mjekësore më shumë se 90% e tyre.
Është e vërtetë që dy pacinetë kanë humbur jetën, por këta pacientë nuk kanë të bëjnë me gjendjen infective Ato kanë pasur probleme kardiake”, tha Berisha.
Por cili është shkaku i helmimit, kjo ende mbetet një mister.
“Simptomat japin diagnozë të një helmimi. Në fillim kemi dyshuar për helimim hidrik, por në bazë të analizave që kemi marrë deri më tani nga Insituti Kombëtar, deri më tani analizat e ujit janë në rregull.
Mirëpo ne jemi vazdimisht me ekipet në terren duke marrë monstrat me flakona, duke parë simptomat e pacientëve që të vijmë deri në një diagnozë e saktë.
Deri më tani analizat e bëra kanë qenë në rregull, nuk mund të themi që ky helmim është hidrik. Insituti është duke bërë hulumtime të vazhdueshme derisa ne të gjejmë dhe izolojmë shkaktarin”, tha Berisha. /tesheshi.com/
