Një person ka humbur jetën nga përmbytjet që prekën zona të mëdha të rajonit të Emilia-Romagna-s në Itali, përfshirë kryeqytetin rajonal, Bolonjën, njoftoi agjencia e lajmeve ANSA të dielën, 20 tetor.
Zjarrfikësit gjetën sot trupin e një 20-vjeçari, makina e të cilit u përfshi nga lumi Zena pasi depërtoi argjinaturat në zonën e Pianoros, jo shumë larg Bolonjës.
#Maltempo #EmiliaRomagna: oltre 300 interventi dei #vigilidelfuoco nelle ultime ore. In atto ricognizione aerea con l'elicottero Drago sulle zone colpite dagli allagamenti a Pianoro, provincia di #Bologna [#20ottobre 8:45] pic.twitter.com/eSQjrcrVVj
— Vigili del Fuoco (@vigilidelfuoco) October 20, 2024
“Pothuajse të gjithë lumenjtë janë nën alarmin e nivelit të tretë pas shirave të dendur dhe përmbytjeve shkaktuan një situatë më të keqe se ajo e majit 2023, kur 17 persona vdiqën dhe dëmet materiale u rritën në disa miliardë euro”, tha guvernatorja e përkohshme Irene Priolo.
“Bolonja u godit nga një ortek uji”, përshkruan Priolo situatën në atë qytet. Sipas saj, 13 komuna janë në një “situatë kritike”, pasi ranë 175 mm shi në vetëm pak orë.
Tutta Bologna e provincia sott'acqua. Un disastro 😪#Bologna #EmiliaRomagna pic.twitter.com/6WGYPoLK2k
— Silvia Spiritolibero (@silviboninsegni) October 20, 2024
Gjendja e të gjitha rrugëve në Apeninet, një zinxhir malor rreth 1200 km i gjatë, është gjithashtu kritike, paralajmëroi guvernatorja. Qyteti i Banjokavalos, jo shumë larg Ravenës, u evakuua plotësisht dhe Priolo u kërkoi banorëve në zonën e përmbytur të ndiqnin udhëzimet e kryetarit të bashkisë dhe autoriteteve bashkiake dhe të kërkonin strehim në katet e sipërme të ndërtesave të banimit.
Guvernatori i Bolonjës, Matteo Lepore, paralajmëroi banorët në rrjetet sociale që të mos dalin jashtë ose të përdorin makina. Sipas raportimeve, e gjithë Italia, nga veriu në jug, është nën sulm nga stuhitë dhe shirat e dendur, veçanërisht Siçilia, e cila më parë vuante muaj të tërë thatësire.
Për shkak të reshjeve të dendura, rrugët në Katania u kthyen në përrenj dhe lumenj. Shiu nuk ndalet as në Veneto, Kalabri dhe Lombardi. /tesheshi.com/
