Në SHBA po përjetohen orë lufte pas sulmeve me armë në dy shtete, me pasoja të mëdha në jetë njerëzore.
Pas ngjarjes së Texasit, ku një person u morri jetën 20 të pafajshmëve në një qendër tregëtare, vjen një tjetër zhvillim tragjik me 10 jetë të humbura.
Në Dejton, Ohio, një person nisi të qëllojë mbi turmën në një bar pa ndonjë arsye të dukshme.
Ndryshe nga rasti i Texasit, ku sulmuesi ishte një 21-vjeçar që tashmë është arrestuar, në Dejton ende nuk është identifikuar se kush është autori i plojës.
Presidenti Meta e ka përjetuar keq këtë zhvillim tragjik në SHBA dhe ka përcjell një mesazh ngushëllues.
“Shumë i trishtuar dhe i tronditur nga humbjet e jetëve të pafajshme në ElPaso dhe Ohio. Lutjet dhe mendimet e mia për familjet e viktimave. Solidaritet me kombin e madh amerikan”, shkruan Meta.
Pas tij dhe Basha shkroi: “jam thellësisht i tronditur nga sulmet burracake dhe humbja e jetëve të pafajshme në El Paso dhe Ohio. Mendimet dhe lutjet e mia janë me familjet e viktimave dhe me të plagosurit. Shqiptarët në të gjithë botën qëndrojnë përkrah miqve tanë amerikanë dhe lutemi për familjet dhe të dashurit e tyre”. /tesheshi.com/
