Kryeministri hungarez Viktor Orban ka zhvilluar një takim të presidencës së tij të partisë Fidesz nën një hartë të përshtatur të “Hungarisë historike”, e cila gjithashtu përfshin pjesën më të madhe të Kroacisë.
Si reagim, kryeministri kroat Andrej Plenkoviç njoftoi se ministria kompetente do të diskutojë çështjen me palën hungareze.
Sipas mediave të Zagrebit, harta e lartpërmendur duket se është një “inventar i përhershëm” në ambientet e Fidesz, duke shtuar se nuk ishte provokimi i parë hungarez.
Një foto nga takimi i presidencës së Fideszit, Orban postoi në profilin e tij zyrtar në Facebook.
Media kroate kujton se në qershor të këtij viti, një profil zyrtar në Tëitter i “About Hungaria” në anglisht, publikoi një hartë gjeografike të stilizuar duke sugjeruar se pas Luftës së Parë Botërore dhe Marrëveshjes së Trianonit, Hungaria kishte “rrëmbyer dy të tretat e territoreve”, përfshirë 63,000 kilometra katrorë që janë pjesë e Kroacisë, Sllovenisë dhe Serbisë së sotme, ose ndryshe Vojvodinës.
Plenkoviç: “Nuk është hera e parë …”
Duke komentuar lajmet se Orban mbajti një seancë të kryesisë së partisë së tij nën një hartë që përshkruante “Hungarinë e Madhe”, e cila përfshin gjithashtu pjesë të mëdha të Kroacisë, Plenkoviç tha se ai kishte diskutuar çështjen me Ministrin e Punëve të Jashtme dhe Evropiane, Gordan Grlic Radman.
“Ministria jonë do të ketë diskutime me palën hungareze në lidhje me këtë. Me sa e kuptoj unë, kjo nuk është hera e parë që kjo hartë është shfaqur në një takim të Fidesz”, tha Plenkoviç.
Kufijtë aktualë kroatë janë ashtu siç janë, tha Plenkoviç, duke shtuar se Kroacia duhet të bashkëpunojë me fqinjët e saj. /tesheshi.com/
