Një monument cili u hap nga kryeministri hungarez Viktor Orban me rastin e 100-vjetorit të nënshkrimit të Marrëveshjes së Trianonit, përmban një mbishkrim që thotë se Rijeka i përket Hungarisë, e kjo ka vënë alarmin në mediat kroate.
Sipas këtyre të fundit, Orban icili e hapi monumentin më 4 qershor në kufirin midis Hungarisë dhe Sllovakisë, midis pllakave përkujtimore, së bashku me hartën e “Hungarisë së Madhe”, ekzistonte dhe një pllakë ku lexohej “Fiume – tengerre magyar”, që do të thotë “Rijeka – Hungari në det”.
Traktati i Trianonit u nënshkrua menjëherë pas Luftës së Parë Botërore në Pallatin Trianon në Versajë, dhe dispozitat e tij zvogëluan ndjeshëm territorin hungarez pas shpërbërjes së Austro-Hungarisë.
Në fillim të majit, Orban ishte shënjestra e kritikave të ashpra në rajon, pasi ai publikoi një hartë të “Hungarisë së Madhe”, e cila përfshin territoret kroate deri në Rijeka dhe Dalmatia, por edhe pjesë të Serbisë dhe Rumanisë.
Rijeka u bë pjesë e Hungarisë në 1868.
Në fund të fjalës së tij, në të cilën ai deklaroi se pjesë të mëdha të territorit hungarez ishin “sekretuar me forcë”, Orban tha se ishte i lumtur të ndërtonte një të ardhme të përbashkët me Sllovakët, Kroatët, Serbët dhe Sllovenët.
Një video e ngjarjes që tregon një hartë të “Hungarisë së Madhe” dhe një pllakë përkujtimore me mbishkrimin e diskutuar është postuar në llogarinë zyrtare në Facebook të Orban.
Udhëheqësi i Partisë Popullore Evropiane (EPP), Donald Tusk, njoftoi në mes të prillit se grupi politik do të dëbonte partinë Fidesz të kryeministrit hungarez Orban nga radhët e saj deri në fund të vitit, por jo për këtë arsye.
Bashkimi Evropian ka kritikuar Hungarinë për reagimin e saj autoritar ndaj pandemisë së virusit koronar.
Në një intervistë me gjermanin Der Spiegel, Tusk tha se ligji hungarez i urgjencës mund të mos jetë i diskutueshëm nga pikëpamja juridike, por se “nuk ka asnjë lidhje me frymën e demokracisë”.
Orban është i njohur për mbrojtjen e politikës së sovranitetit, e cila është në kundërshtim me vlerat në të cilat bazohet Bashkimi Evropian.
Dy vjet më parë, nga kabineti i tij u publikua një fotografi me një hartë etnike të Bosnje-Hercegovinës në mur, duke shkaktuar tensione të reja etnike në Bosnjë dhe destabilizimin e rajonit. /tesheshi.com/
