“Një pushtim për t’u ndalur” – kështu e ka përshkruar kryeministri hungarez Viktor Orban, valën e emigrantëve nga Lindja e Afrika, në deklarimin e parë në samitin e BE-së në Bruksel.
Me zjarr retorik, duke përshkruar temën kryesore të samitit “Emigrimi në Evropë” si një “pushtim për t’u ndalur”, Orban këmbënguli që shtetet anëtare të BE-së, përveç mbylljes së të gjitha kufijve, duhet t’i kthejnë edhe ata emigrantë që kanë ardhur tashmë në bllok.
“Njerëzit kërkojnë dy gjëra. E para është se emigrantët nuk duhet të vijnë më dhe duhet të ndalen. E dyta është se ata që kanë ardhur duhet të kthehen”, tha ai.
Orban tha se që të dy masat janë të nevojshme për “rivendosjen e demokracisë evropiane”.
“Pushtimi duhet të ndalet dhe ndërprerja e këtij pushtimi do të thotë se kemi kufij më të fortë”, tha Orban në samit, i njohur për retorikën e tij të ashpër anti-emigrant. /tesheshi.com/
