Ndryshimi i orës çdo pranverë dhe çdo vjeshtë së shpejti do të jetë një gjë e së kaluarës pasi Parlamenti Evropian votoi sot në favor të mbajtjes së të njëjtës kohë gjatë gjithë vitit. Megjithatë, rezoluta nuk është detyruese.
Rezoluta e miratuar përfshin studimin e Shërbimit Kërkimor Evropian të tetorit 2017, duke mos arritur gjithsesi në ndonjë rezultat përfundimtar, por që tregon ekzistencën e efekteve negative tek shëndeti i njeriut.
Një numër iniciativash qytetare kishin nxjerrë në pah gjithashtu shqetësimet e qytetarëve për ndryshimin e orës që ndodh çdo fund marsi dhe fund tetori.
Rezoluta gjithashtu thekson se është vendimtare të mbahet një regjim kohor i unifikuar i BE.
Prandaj, i bëri thirrje Komisionit Evropian të kryejë një vlerësim të plotë të marrëveshjeve të kohës së verës dhe, nëse është e nevojshme, të dalë me një propozim për rishikimin e tij./tesheshi.com/
