Në javën që lamë pas, francezi i Real Madridit, Karim Benzema u shpall lojtari më i mirë në planet për sezonin 2021/22, i zgjedhur nga France Football.
Vendin e dytë në përzgjedhjen për Topin e Artë e ka fituar ish-sulmuesi i Liverpool-it dhe sulmuesi aktual i Bayern-it, Sadio Mane, ndërsa në vendin e tretë ishte Kevin De Bruyne nga Manchester City.
Pjesa tjetër e Top 10 shkon kështu: Robert Lewandowski, Mohamed Salah, Kylian Mbappe, Thibaut Courtois, Vinicius Junior, Luka Modric, Erling Haaland.
Çmimi prestigjioz përfundoi në duart e sulmuesit francez, i cili e çoi Real Madridin drejt titullit në Champions League, pra deri në kurorën në kampionatin spanjoll.
Por ndërsa ai merrte Topin e Artë, në dorë kishte po aq të artë, orën e tij me çmim marramendës.
Raportohet se Benzema mbante një orë Richard Mille RM65-01 në ngjyrë rozë gjatë prezantimit.
Vlera e kësaj ore në treg thuhet se është 550,000 euro. /tesheshi.com/
