Drejtues të opozitës e kanë parë prezencën e znj. Mogherini në Tiranë, si një mundësi që ajo të “futet mik” te Rama për lrimin e 11 kuksianëve.
Me pretendimin se jo ligji e as gjykata nuk vendos për ta, por vetë shefi i qeverisë, dyshja Paloka – Kryemadhi, kërkuan një zgjidhje shqiptarçe të fatit të protestuesve të Rrugës së Kombit të mbetur në burg.
“I kërkuam zonjës Mogherini ndërhyrjen e saj në mënyrë njerëzore tek zoti Rama për lirmin e 11 kuksianëve. Ajo që është më e rëndësishme për ne është që sot shqiptarët kanë nevojë për më shumë besim dhe për ta parë BE sa më pranë”, tha kryetarja e LSI-së, për t’u pasuar nga Paloka në emrin e PD-së:
“Sot ne kemi në burg 11 qytetarë të pafajshëm që janë arrestuar në kundërshtim dhe shkelje të të drejtave të njeriut, kështu që hapi i parë është lirimi i tyre. Ishte një nga kërkesat dhe zonjës Mogherini që foli për bashkëpunim mes opozitës dhe maxhorancës. Hapi i parë duhet ndërmarrë nga Edi Rama”, tha Paloka, duke nënkuptar me këtë lirimin e kuksianëve. /tesheshi.com/
