Opozita vijon denoncimin e Ramës: ja si deputeti i tij fiton miliona nga OSHEE

Opozita ka vijuar të denoncojë ato që i konsideron skandale abuzive të qeverisjes Rama me financat publike. Grida Duma, sekretare e Marrëdhënieve me Publikun në PD, tha se shteti i Edi Ramës, pasi ka shpërndarë milionat për Sadri Abazin, Safet Gjicin dhe Pjerin Ndreun, ka menduar edhe për një deputet, Rakip Sulin.

“Do marrë edhe ai hisen e tij sepse me porosi të Ramës, godina që ka në autostradën Tiranë-Durrës, Aurora Grup, është marrë me qira nga OSHEE. Për një kat në këtë godinë, Rakip Suli merr nga OSHEE miliona lekë në muaj. Ndërkohë që banda e hajdutëve të Ramës, që vazhdon t’u marrë jetën qytetarëve e kryefamiljarëve, se nuk kanë mundësi të paguajnë e janë në errësirë në këtë dimër të ftohtë, ka vendosur të trefishojë shpërblimin për deputetin e Ramës, pasi po i merr dhe dy katet e tjera me qira”, u shpreh Duma. /tesheshi.com/