Opozita shqiptare ka marrë goditjen e radhës nga ana e Brukselit, e kjo fill pas përfiundimit të protestës së radhës, me një gjuhë edhe më ekstreme, ku tashmë, pas lënies së mandateve, edhe parlamenti konsiderohet si ilegjitim.
“Episodet e dhunshme në të cilat opozita ka sulmuar institucionet publike, si dhe gjuha që nxit dhunën e përdorur nga udhëheqësit e opozitës janë të papranueshme për çdo demokraci evropiane. Kjo është edhe më e rastësishme duke pasur parasysh statusin e vendit kandidat të Shqipërisë dhe vendimin e ardhshëm për të hapur apo jo negociatat e pranimit”, tha Macovei, e cila shtoi duke thënë se “deputetët e opozitës kanë tradhtuar votuesit e tyre duke hequr dorë nga mandatet e tyre dhe kanë provuar se opozita nuk po punon drejt afrimit të Shqipërisë me BE”.
Dhe, duke qëndruar në linjën se gjithçka bëhet për të penguar vijimin e Reformës në Drejtësi, Macovei tha “se qeveria e tanishme është në rrugën e duhur në transformimin e sistemit të drejtësisë në vend. Reforma e drejtësisë ka prodhuar rezultate të prekshme në luftën kundër korrupsionit dhe krimit të organizuar”. /tesheshi.com/
