Luftëtarët e opozitës siriane kanë qëlluar një avion luftarak rus, duke kapur pilotët në bastionin e tyre në provincën e Idlibit, njoftoi agjencia dpa.
Avioni Su-25 u rrëzua pranë Maaret al-Numan në provincën veriperëndimore Idlib, njoftoi një komandant lokal.
Ai pohoi gjithashtu se pilotët u kapën pesë kilometra larg vendit të rënies.
Rusia ende nuk ka komentuar këto pretendime.
Observatori sirian për të Drejtat e Njeriut më vonë deklaroi se ishte një pilot i vetëm, i cili u katapultua dhe u kap.
Regjistrimi i postuar në rrjetet sociale tregon momentin kur qëllohet avioni, i cili më pas përfshihet nga flakët.
Forcat siriane bashkë me ato ajrore ruse kanë intensifikuar sulmet ndaj Idlibit gjatë javëve të fundit.
Muajin e kaluar, ushtria siriane riktheu bazën e afërt strategjike ajrore Abu Duhur nga duart e rebelëve.
Idlibi është bastioni i fundit i opozitës në Siri.
Rusia është aleati kryesor i presidentit sirian Bashar al-Assad, forcat e të cilit në muajt e fundit po shënojnë fitore territoriale mbi rebelët.
Duke ofruar mbështetjen për regjimin e Asadit, Rusia iu bashkua konfliktit sirian tre vjet më parë kur nisi një fushatë ajrore.
/tesheshi.com/
God is great God is great
The fall of a Russian fighter plane Sukhoi 25 after being targeted in the ground anti-aircraft was flying over the countryside Idlib ✌️✌️ pic.twitter.com/rOqVFsf8CY
— Fareed.alhor (@AlhorFareed) February 3, 2018
