Drejtuesi i Koalicionit Kombëtar Sirian, Enes el-Abdeh, ka dhënë një intervistë për agjencinë e lajmeve AFP, ku ka parashtruar tërë situatën në Halep, duke e shfaqur hapur besimin se po afron dhe marrja e plotë e qytetit.
Ai së pari ka lavdëruar bashkimin e fundit të fraksioneve opozitare, për të sjellë në vëmendje më pas çarjen e rrethimit trejavor në lindje të Halepit.
“Mendoj se ky është mbase një nga zhvillimet më të rëndësishme të revolucionit sirian në pesë vitet e fundit,” i ka deklaruar agjencisë AFP Enes el-Abdeh.
“Jam i mendimit,” ka shtuar ai, “se kjo do të hapë rrugën për një tranzicion të duhur politik, diçka që bashkësia ndërkombëtare nuk po e merr siç duhet seriozisht.”
Sipas tij, uniteti ushtarak dhe politik mes rebelëve ishte një faktor kyç për suksesin e opozitës në Halep me çarjen e rrethimit.
“Lajmi i i mirë është se të gjitha grupet pjesëmarrëse nuk kanë asnjë lidhje me organizatat e terrorit,” ka vijuar intervista me AFP-në.
Për të ardhur te pyetja më kritike, te ajo nëse rebelët mund ta marrin kontrollin e tërë Halepit, çka do të ishte goditja më e madhe për regjimin e Esadit gjatë gjithë konfliktit.
Së cilës Enes el-Abdeh i është përgjigjur kësisoj, “Mendoj se është thjesht çështje kohe. Do të ngjasë. Ne e shohim fare qartë se forcat e regjimit nuk janë në gjendje të rezistojnë.” /tesheshi.com/
