Dy zëra nga opozita promovuan sot atë që mund të konsiderohet se teza e re politike në raport me reformën e pritshme në drejtësi, atë që më e rëndësishme është reforma zgjedhore; e që sipas tyre duhet të garantojë, siç thuhet rëndom, zgjedhje të lira dhe të ndershme; edhe pse zgjedhjet duan dhe një vit që të zhvillohen.
Në fillim ishte kreu i deputetëve demokratë, Edi Paloka, që, ndërsa komentoi një operacion policor që bllokoi një sasi të madhe armësh, tha se para reformës në drejtësi me më rëndësi është ajo zgjedhore.
Dhe disa orë më pas, ishte kreu republikan, Fatmir Mediu që i mëshoi së njëjtës tezë.
Do jenë ditët e ardhshme ato që do e shpalosin më qartë nëse vërtet opozita po përpiqet të rivendosë një kusht tjetër për miratimin e reformës në drejtësi, ndërrmarjen e reformës zgjedhore. Por që nëse do rezultojë vërtet kështu, për mazhorancën ky do jetë një tjetër shkak i sajuar për të mos e miratuar reformën në drejtësi. /tesheshi.com/
