Seanca e parë parlamentare në Kuvendin e Shqipërisë për vitin 2017, ka nisur me paraqitjen e 5 pikave bazë të memorandumit të opozitës për zgjedhje të lira e të ndershme, që përkthehen dhe si kushtëzime ndaj mazhorancës.
Edi Paloka, kreu i grupit parlamentar demokrat renditi këto 5 pika, ku në vend të parë ishte votimi dhe numërimi elektronik.
Pra, edhe pse u kundërshtuar nga faktori ndërkombëtar, përfaqsuar në këtë rast nga OSBE/ODIHR, me arsyetimin për kohë të pamjaftueshme vënie në funksion, opozita zgjedh të mos heqë dorë nga kjo kërkesë.
1-Realizim i identifikimit biometrik të zgjedhësve, votimin elektronik dhe numërimin elektronik të votave përmes një sistemi në shkallë vendi.
2- Dekriminalizimin përmes zbatimit të ligjit për dekriminalizimin dhe largimin e bandave dhe elementëve kriminalë nga fushata zgjedhore dhe qendrat e votimit ditën e zgjedhjeve.
3- Ulja e kostos së fushatës përmes reduktimit drastik të shpenzimeve, transparencë për burimet financiare si dhe të forcohen penalitetet përfshirë cilësimin e shit-blerjes së votës si krim i rëndë.
4- Ndalimi i përdorimit të burimeve njerëzore të administratës në fushatë dhe struktura partiake, po ashtu edhe materialet e administratës.
5- Akses i drejtë në media dhe mbulim mediatik dhe normim i hapësirës publicitare në fushatën zgjedhore.
