Opozita është shfaqur sot në publik me pamjen e re nga prezenca e parë e Shpëtim Idrizit në krah të Bashës, pasi vendosi kalimin në kampin opozitar.
Kreu demokrat ndodhet tashmë mes dy ish-aleatëve të Ramës, viktima të “tepsisë”, së cilës kreu i mazhorancës i hapu luftë një vit më parë.
Nga Vlora, Basha bëri një rezyme të situatës duke fajësuar e akuzuar qeverinë Rama, përfshirë dhe çështjen e Teatrit.
Ndërsa duke iu referuar situatës së rendit aty ku kreu i mazhorancës është deputet, Basha tha se “në Vlorë janë zhdukur 18 persona pa lënë gjurmë”.
“Nuk ka më shtet, nuk ka gjykata, prokuroria ka rënë”, ishte një prej konkludimeve të Basha, duke thënë se vendi është në emergjencë kombëtare. /tesheshi.com/
