Kryedemokrati Basha morri pjesë online në Asamblenë Politike të PPE-së, ku fillimisht foli mbi aktualitetin politik në Shqipëri.
“Ne po fokusojmë të gjithë vëmendjen dhe energjinë tonë për të ecur përpara me reformat që do t’u mundësojnë shqiptarëve zgjedhje të lira dhe të ndershme e një administratë vendore pa konflikte politike. Reformat zgjedhore dhe territoriale, lufta kundër korrupsionit dhe sundimi i ligjit janë prioritetet tona kryesore”, tha Basha, duke u zhvendosur të aktualiteti ndërkombëtar, më saktë te kriza ukrainase.
“Ne duhet të qëndrojmë krah për krah në aleancën tonë euroatlantike përballë kësaj sfide të rrezikshme jo vetëm për vetë Ukrainën, por edhe për Evropën e me gjerë.
Lufta nuk duhet të jetë kurrë një opsion, ndaj mbetet detyrë e liderëve politikë të përdorin të gjitha mjetet diplomatike dhe të lënë mënjanë kërcënimet e luftës” tha njeriu që vite më parë qe dhe ministër i Jashtëm. /tesheshi.com/
