Kreu demokrat Basha deklaroi në mbrëmjes se opozita do angazhohet këtej e tutje me protesta deri në rrëzimin e qeverisë Rama. Ky vendim sipas tij, u diktua nga zhvillimi më i fundit në parlament, ku, siç pretendon opozita, asaj nuk iu mohua fjala.
“E gjithë Shqipëria dhe e gjithë bota e pa se si në Parlament Edi Rama i hoqi opozitës edhe të drejtën elementare më kushtetuese, të drejtën për të folur. Vendi po rrëshket drejt autoritarizmit dhe diktaturës, Edi Rama ka tani një parlament privat për të shkatërruar interesat kombëtare. Ka ndërtuar një qeveri private për të vjedhur qytetarët dhe ka ndërtuar një shtet privat për të dhunuar qytetarët. Opozita është e vendosur t’i japë fund krizës politike dhe ekonomike ku është vendi, prandaj në përgjigje të mijëra mesazheve dhe duke dëgjuar zërin e qytetarëve, ne vendosëm të udhëheqim revoltën e qytetarëve me protesta popullore deri në rrëzimin e Edi Ramës’, tha Basha. /tesheshi.com/
