Opozita e bojkotoi sërish Kuvendin, duke u mbledhur në Durrës, në një “tur shëtitës” politik në disa qytete, e që ka për qëllim denoncimin e asaj që e ajo e quan politikë e lidhur me krimin.
Duke qëndruar te tema e ditës, vettingu i politikës, kreu demokrat Basha u shfaq i irrituar me kryeparlamentarin Ruçi. Sipas tij, ky i fundi nuk po publikon në faqen e Kuvendit projekligjin e opozitës mbi vettingun e përfolur.
“Në emër të opozitës i jap këtë ultimatum Gramoz Ruçit: mos u sill si pronar kuplaraje, por sillu minimalisht, respekto rregulloren e Kuvendit, boto online propozimin që ta shohin të gjithë shqiptarët. Të hidhen poshtë të gjitha mashtrimet që keni tre ditë që i hidhni se nuk dini si t’u përgjigjeni shqiptarëve, se pse keni bërë ligj për vettingun e policëve dhe nuk pranoni vetting për politikanët”, theksoi Basha.
Kryedemokrati morri në trajtim dhe të tjera çështje, duke artikuluar të tjera akuza, dhe ndër të tjera mirëpriti afrimin e PDIU-së për t’ju bashkuar opozitës në koalicion. /tesheshi.com/
