Partitë opozitare njoftojnë se nesër fillon nënshkrimi i peticionit kundër marrëveshjes së datës 25 gusht 2015 për Asociacionin e Komunave me shumicë serbe. Nënshkrimi i këtij peticioni është i organizuar në të gjitha qytetet e Kosovës.
“Organizimi po bëhet nga Lëvizja VETËVENDOSJE!, Aleanca për Ardhmërinë e Kosovës dhe Nisma për Kosovën. Kryetarët e këtyre tri subjekteve: Visar Ymeri, Ramush Haradinaj dhe Fatmir Limaj do të nënshkruajnë peticionin në orën në ora 11:00, në tendën që është e vendosur afër Ministrisë së Kulturës. Aty do të ketë edhe prononcim për media”, thuhet në kumtesën e VV-së. /tesheshi.com/
