Ka përfunduar e qetë dhe pa asnjë problem protesta e opozitës, e cila duhet thënë që ka pasur një masivitet mjaft të madh pjesëmarrjeje.
Lulzim Basha ka shpallur kërkesën politike që ka dalë nga kjo protestë, fiks si një vit më parë më 18 shkurt përpara se të futet në çadër: “Kërkojmë latgim të qeverisë së Edi Ramës. Nuk e njohim 25 qershorin dhe çdo institucion që ka dalë nga ai”.
Pra në mënyrë të qartë opozita ka dalë në një kërkesë ekstreme pa një mundësi alternative apo një paketë kushtesh për negociata.
Basha ka mbajtur një fjalim kryesisht të kujdesshsëm për të treguar se është proeuropian por në BE sipas tij Shqipëria do të hyjë kur të arrestojë Saimir Tahirin.
“Në emër të opozitës kërkoj largimin e Ramës dhe qeverisë së tij. Të krijohet qeveria anti-mafia dhe të cojë përpara reformën në drejtësi dhe të përgatisë zgjedhje të lira dhe të ndershme. Sot vdes 25 qershori dhe pushteti që nuk i përgjigjet qytetarëve. Popullit iu mohua liria që të zgjedhë me votë. Sot kemi zgjedhur që të mos vuajmë, pro të bashkohemi dhe të largojmë të keqen.
Le ta dëgjojë Edi Rama mesazhin tuaj në cilindo bunker që të jetë futur sot. ‘Rama ik, Rama ik’. i mjerë është ai popull që nuk ia del me i zotnue bijtë e vet të këqij. Shqipëria e Ramës u ngjan shteteve të Afrikës, kreu i qeverisë financon fushatën me paratë e drogës. Thika ka arritur aty ku nuk mban më. Shqipëria e Edi Ramës i ngjan shteteve të falimentuara të Afrikës dhe Azisë. Vetëm në një vend si Guinea ndodh që familja e të parit të vendit të drejtojë trafikun e drogës dhe larjen e parave.
Vetëm në një vend si Nikaragua ndodh që kreu i qeverisë të financojnë fushatën e tij elektorale me milionat e drogës. Vetëm në diktaturat e Afrikës ndodh që ministri i Brendshëm të jetë edhe i pari i trafikut të drogës. Vetëm në Venezuelë ndodh që shefi i mbrojtjes të jetë bashkëpunëtori më i ngushtë i baronëve të drogës. Vetëm në Afganistan ndodh që vëllai i kreut të ekzekutivit të jetë edhe trafikanti më i madh i drogës. Pengesa e vetme për Shqipërinë Europiane është kjo bandë, që po përqendron në pak duar pushtetin ekonomik dhe politik, po zbraz vendin. Ne jemi sot këtu për të ndalur këtë të keqe, që ekonomia të mos mbetet në duar të oligarkëve dhe kriminelëve”, deklaroi Lulzim Basha.
Kreu i opozitës ka sulmuar më pas fort të gjithë kritikët e tij që i ka cilësuar si mbështetës të krimit dhe lustrues të faqes së zezë të opozitës.
Me lidhje direkte nga Zvicra ka folur edhe Dritan Zagani që cilësohet tashmë si një “hero” i luftës ndaj krimit.
“Dua të kthehem dhe do të kthehem, dua që krimi të mos jetë në krye të vendit tim”, tha Zagani.
Kryetarja e LSI-së Monika Kryemadhi ka qenë më e ashpër se Basha dhe ka sulmuar edhe ambasadorin amerikan në Tiranë, Donald Lu.
“I themi Edi Ramës se ne e duam Shqipërinë. Për të gjithë ju qytetarët që jeni te busti i heroit tonë kombëtar Gjergj Kastrioti Skënderbeu, për të gjithë ju qindra dhe mijëra shqiptarë që protestoni sot kundër një njeriu i cili është i vetëm. Për hërë të parë në këto 27 vite ka një politikan në Shqipëri që është vetëm.
Ai njeri urren vendin e tij, ai njeri nuk do flamurin tonë, por tallet me të. Ky njeri duhet të largohet një orë e më parë. Ky njeri i cili sot është vetëm, është vetëm sepse ai e di më mirë se kushdo tjetër se çdo të thotë vetëm, i mbytur në zullumin e tij ku nuk ka drejtësi dhe ambasadorë që ta shpëtojnë. Ky njeri duhet të kuptojë diçka, ky njeri që iu thotë shqiptarëve se na dashka drejtësinë e kulluar, ka harruar se ka 20 vjet në pushtet, sa kanë të gjithë kryeministrat në 27 vjet dhe ka gënjyer e ka mashtruar dhe sot bën njeriun e moralshëm”.
Integrimi në Europë u sabotua, sepse futja në Europë është rrezik për pushtetin politik dhe kriminal të kësaj bande. Njerëzit e thjeshtë u shpërfillën, u përçmuan, u trajtuan me arrogancë dhe u dhunuan. Për t’i frikësuar, Për t’i bërë të pafuqishëm, për tjua ulur kokën. Mbi ta po rëndojnë taksat e rritura, çmimet që nuk ndalen dhe dënimet e gjobat e zyrtarëve të shtetit që sillen si plackitës. Mbi shqiptarët sundon papunësia, sundon varfëria.
Mbi shqiptarët rëndon padrejtësia, standarti i dyfishtë i Ramës që dënon të varfrin dhe të dobtin, mbron të kriminelin dhe hajdutin. Kujtojmë sot 22-vjeçarin Estref Halili nga Kolonja e Lushnjes që Edi Rama e arrestoi dhe u çoi në vetëvrasje për një cigare hashash. Për Saimir Tahirin dhe Habilajt që janë kapur me miliona nga trafiku i drogës, Edi Rama ka ngritur shtetin në këmbë që ti mbrojë”, tha Kryemadhi. /tesheshi.com/
