Opozita ka zbardhur sot përgjime të reja për manipulim me procesin zgjedhor, me protagonist vet kryetari i komunës Qendër të Shkupit, Andrej Zhernovski, i cili gazetarëve u prezantoi biseda mes ministres së brendshme Gordana Jankullovska dhe ministrit të Shëndetësisë Nikolla Todorov, respektivisht si pushteti me çdo kusht ka tentuar t’ia vjedh fitoren.
Në njërën nga bisedat, ministrja Jankullovska, pranon se ka votues fiktiv (të ardhur kryesisht nga Pusteci i Shqipërisë), por në bisedë ajo shfaqet e shqetësuar se mund të zbulohet nga Komisioni Shtetërori i Zgjdhjeve.
Bisedat zbardhin edhe maltretimin që u është bërë të moshuarve. Ministri i transportit Mile Janakievski pranon që VMRO ka dhënë urdhër për t`i ndalur ashensorët nëpër pallate, për të penguar personat e moshuar të dalin në votime.
Pjesë e përgjimeve të prezentuara kishin të bëjnë edhe me projektin Shkupi 2014-të, respektivisht vendosjen e përmendoreve të shumta, të cilat qytetarët e Qendrës, nuk i dëshironin në komunën e tyre.
Ministrja e brendshme Jankullovska, në bazë të përgjimeve të zbardhura, ka urdhëruar policinë që të jetë në terren, ndërsa përmendoret e reja të vendosen në mëngjes kur flejnë njerëzit.
Kryetari i komunës Qendër, Andrej Zhernovski, tha se Gruevski më nuk ka legjitimitet dhe zgjidhja e vetme është dorëheqja e tij dhe ministrave, prokurorit publik, që më pas të formohet qeveri kalimtare. /tesheshi.com/
