Opozita në Maqedoni, si ajo shqiptare ashtu dhe ajo maqedonase, po vetëdijesohet dita-ditës se pa një bashkim forcash, pra pa koalicione, nuk do mundet dot ta largojnë Gruevskin nmga pushteti.
Kështu është konkluduar pas një takimi të përbashkët mes ish-kryeministrit Lupço Gjeorgjevski, liderë i VMRO-së Popullore, me Goran Milevksin, lider i Partisë Liberale Demokratike.
Dy liderët vlerësuan se opozitës duhet t`i bashkohen edhe të gjitha shoqatat e qytetarëve dhe vet “qytetarët mendjelirë”, siç i quajtën, të cilët, sipas tyre, nuk pajtohen me këtë mënyrë të sundimit në shtet. Por dyshja opozitare në fjalë, nuk shpjegoi arsyen se përse në këtë takim nuk është ftuar edhe kryetari i partisë më të madhe të opozitës maqedonase, asaj të LSDM-së, Zoran Zaevi dora vetë.
Nga ana tjetër, edhe Zaev disa herë me rradhë ka shprehur gatishmëri duke hapur dyert e koalicionimit me të gjitha subjektet politike opozitare, si nga blloku politik maqedonase si nga ai shqiptar. /tesheshi.com/
