Pas një takimi ndërmjet kreut të partisë opozitare maqedonase, LSDM-së, Zoran Zaev dhe Shoqatës së gazetarëve të Maqedonisë, është arritur marrëveshje se pa media të lira nuk ka kushte për zgjedhje të lira.
Në këtë takim Zoran Zaev ka informuar kryetarin e SHGM-së, Naser Selmani se një nga temat kyçe për bisedime në kuadër të dialogut politik nën mbrojtje të bashkësisë ndërkombëtare, janë reformat në media, të cilat janë kusht për zgjedhje të lira, të drejta dhe të rregullta.
Nga LSDM përmes një komunikate gjithashtu kanë informuar se Zaev, në takim ka theksuar se në këtë fazë të bisedimeve, VMRO-DPMNE akoma kundërshton në zgjidhjet e mundshme të cilat do të mundësonin që mediat në mënyrë të lirë ta kryejnë punën e tyre.
Po ashtu, nga LSDM thonë se është shumë me rëndësi që të mundësohet që agjencia për shërbime audio dhe audio-vizuele ta kryejë rolin e saj të rregullatorit në sferën mediatike, ndërkaq RTVM të jetë servis i vërtetë publik dhe në mënyrë objektive,të paanshme dhe të balancuar të informojë qytetarët. /tesheshi.com/
