Opozita malazeze po përgatitet që të kryejë një lëvizje të fortë për të fituar zgjedhjet në vend.
Ajo po mundohet t’ mbushë mendjen një prifti të rëndësishëm të kishës ortodokse serbe që të kandidojhë përballë Milo Gjukanoviçit që sipas gjasave do të jetë kandidati i partisë në pushtet.
Deri tani koalicioni opozitar nuk ka arritur të bindë Zheljko Rojeviçin, i cili është një klerik me reputacion.
Ai falënderoi Koalicionin për besimin e shprehur dhe propozoi të ishte kandidati “civil” dhe nga Mali i Zi.
“Edhe pse shoh probleme të shumta në shoqërinë dhe shtetin tonë, si dhe domosdoshmërinë e ndryshimit, unë nuk mund ta pranoj një propozim të tillë, sepse si unë jam prift dhe i tillë dua të mbetem”, tha Rojeviç.
Zgjedhjet presidenciale në Malin e Zi janë planifikuar për në 15 prill. /tesheshi.com/
