Opozita gati ka lëshuar gjuhën ndaj Ardi Veliut, ku, në një reagim pas dorëheqjes, një ndër skifterët e saj, nr. 2 Gazmend Bardhi, e ka etiketuar deri “bandit” njeriun që gjithsesi, deri më sot, nuk e ka akuzuar ndonjëherë si të inkriminuar. Por sot po.
Por, në një kontekst politik, opozita s’ja harron atë që e konsideron dhunë policore ndaj saj gjatë protestave të dhunshme.
“Në krye të Policisë së Shtetit sot ka një bandit më pak. Ardi Veliu ka qenë çdo ditë në shërbim të grupeve kriminale dhe rrjeteve të caktuara të trafikut ndërkombëtar të drogës. Largimi i tij është i detyruar, pavarësisht rezistencës së gjatë të Edi Ramës”, shprehet Bardhi, i njohur për gjuhën e tij të rëndë politike dhe aspak etike.
“Dhuna e ushtruar ndaj opozitës ishte e paprecedentë”, thuhet në reagimin e tij, pa e shoqëruar me bilanc pasojash njerëzore. /tesheshi.com/
