Opozita kosovare do i kthehet bojkotit të parlamentit, por vetëm për një ditë, më saktë për disa orë, për aq sa presidenti Hashim Thaçi të mbajë fjalimin e tij vjetor, të cilin nuk preferon ta dëgjojë.
Pothuasje të gjitha forcat opozitare, që nga VV, AAK dhe NISMA janë shprehur se nuk do jenë prezentë në parlament me Thaçin që flet. Kjo është një formë për të demostruar mosnjohjen e tyre të ish-kreut të PDK-si si kryetar shteti.
Thaçi u zgjodh president pranverën e vitit të kaluar, pas du raundeve votimi, duke u shoqëruar kandidimi i tij nga një kundërshti e forte e opozitës. Por jo vetëm kaq.
Edhe në radhët e LDK-së, partisë aleate, një pjesë nuk donin që ta jepnin votën. Madje, mendohet se vetëm presioni i Mustafës ndaj të tijve, bëri që “armiku” Thaçi, me të cilin prej tre vjetësh ka ndarë pushtetin në atë që konsiderohet “martesë prej zorri”, të prekë ëndrrën e të qënit president. /tesheshi.com/
