Partitë opozitare kosovare kanë bërë të ditur se do të mbajnë protestën e radhës më 17 shkurt, në ditën e Pavarësisë së Kosovës, me kërkesë gjithëpopullore për shkarkimin e qeverisë.
Kryetari i Nismës për Kosovën, Fatmir Limaj ka thënë sot gjatë një konference të përbashkët të opozitës se në këtë ditë do të protestohet masivisht nga ora 14:00.
“Ne si opozitë e bashkuar kemi vendos që me 17 shkurt të ftojmë protestën gjithëpopullore, të bashkohemi për dorëheqjen e kësaj qeverie e cila është shkelëse e Kushtetutës”, ka thënë Limaj.
Ndryshe, opozita nuk është hera e parë që thërret protestat në data të rëndësishme, pasi edhe vitin e kaluar më 28 nëntor mbajtën protestë ku më pas eskaloi situata.
Partitë në pushtet, PDK dhe LDK kanë akuzar opozitën se po përdor datat e rëndësishme për të mbledhur më shumë përkrahës, gjë të cilën e ka mohuar kjo e fundit. /tesheshi.com/
