Opozita e bashkuar kosovare përkundër deklaratës së Departamentit amerikan të Shtetit se Demarkacioni me Malin e Zi është në kudër të Kushtetutës dhe nuk cenon integritetin territorial të Kosovës, vazhdon të kërkojë anulimin e kësaj marrëveshje.
VV, AAK dhe NISMA kërkojnë që për këtë çështje të formohet një komision me ekspert vendor dhe ndërkombëtarë.
Anëtari i Kryesisë së Lëvizjes Vetëvendosje, Sami Kurteshi në një konferencë të thirrur nga opozita, ka thënë se Gjykatat e Kosovës kanë shkelur parimet, me rastin e arrestimeve të deputetëve të opozitës.
“Ne kemi një vendim të nje gjykate të rregullt të Kosovës, të asaj të Apelit përmes së cilës shihet klasifikimi i veprave per të cilat përndjeken deputetët e Kosovës. Ne kemi një vendim që është marr në maj të këtij viti për një qytetar i cili ka përdor gaz lotsjellës në publik, e në këtë rast dënimi shkon me gjobë në të holla me 400 euro, kur kemi masa tjera ndaj deputetëve të Kosovës për veprën e njejtë. Ndaj deputetëve tonë Albinit, Albulenës, Donikes e Faton Topallit është ngrit aktakuzë”, ka thënë Kurteshi.
Ai ka shtuar se Albulena Haxhiu e Fisnik Ismaili nuk kanë përdorur gaz, dhe të njëjtit e vuajnë dënimin e njejtë.
Kelmendi: Veseli do të hyjë në histori për shkelje të paralamentarizmit
Muhamet Kelmendi i AAK-së, ka thënë se nuk ka ndodhur derr më tani që të përjashtohet një opozitë e tërë nga seancat. Sipas tij, kryetari i Kuvendit Kadri Veseli do të hyjë në histori si personi që ka bërë shkelje të parlamentarizmit.
“Deri tani nuk ka ndodh që një kryesi të përjashtoj një opozitë të tërë, kryetari i kryesisë do të hyj në histori si person qe ka bërë shkelje të parlamentarizmit, në një mbledhje të organizuar e quajtur seancë në byfe të kuvendit”, ka thënë Kelmendi.
Ai ka folur edhe për Demarkacionin me Malin e Zi, duke thënë se ka prova të mjaftfueshme nga ushtria ish jugosllave që dëshmon se i është dhënë Malit të Zi.
“Kemi prova të mjaftueshme nga ushtria ish jugosllave që dëshmon se i është dhënë tokë Malit të Zi, ne kërkojmë formimin e komisionit për ketë çështje me ekspertë vendor e ndërkombëtarë. Opozita e ka dhënë vendimin se duhet të anulohet ky vendim dhe të formohet komisioni”, ka thënë Kelmendi.
/tesheshi.com/
