Java që sapo ka nisur, e që për Kosovën është ajo e Presidentit të ri, pritet të jetë dhe java e protestave të quajtura “natë e ditë” të opozitës. Burime të KosovaPress bëjnë me dije se opozita e bashkuar po i jep dorën e fundit planit për nisjen e tyre në formë maratone.
Eshtë cituar një burim brenda opozitës që të thotë se “do të ndryshojë forma e kundërshtimit të opozitës ndaj qeverisë dhe marrëveshjeve të fundit për të cilat po protestohet. Nga mesi i javës do të fillojë protesta e pandërprerë e opozitës, ku protestuesit do të qëndrojnë gjatë gjithë ditës dhe natës para ndërtesës së qeverisë”.
Tashmë, pritet që opozita të dalë e të bëjë publike këtë plan. Prej ditësh përflitet në fakt për një stinë ta pandalshme protestash që kanë si synim çuarjen e vendit në zgjedhje të parakohshme. Dhe flitet për formën e njohur të protestave me çadra para godinës qeveritare. /tesheshi.com/
