Opozita e bashkuar, VV, AAK dhe NISMA, një javë pas zgjedhjes së Hashim Thaçit në krye të presidencës e kanë dërguar të premten në Gjykatën Kushtetuese kërkesën me të cilën e kontestojnë zgjedhjen e tij.
Kërkesa është dorëzuar në Kushtetuese nga deputetët Aida Dërguti e Vetëvendosje-s, Bali Muharremaj nga AAK-ja dhe Enver Hoti i NISMA-s.
Deputetët opozitarë deklaruan se shumë parregullsi janë të evidentuara në seancën e 26 shkurtit, për të cilat kanë mbledhur të gjitha provat e nevojshme dhe ia ka bashkëngjitur kësaj kërkese, në mënyrë që Gjykata Kushtetuese të marrë vendimin e duhur, pra, anulimin e procesit të zgjedhjes së presidentit.
Aida Derguti nga VV-ja tha se një nga shkeljet është prania e 120 deputetëve në sallë, ngase, duke pasur parasysh dorëzimin e mandatit nga Ramush Haradinaj, janë gjithsej 119. /tesheshi.com/
