Kërkesës së opozitës për ndryshime kushtetuese, ku theksi vihet mbi mënyrën e zgjedhjes së Kryeprokurorit të Përgjithshë, atë të cilin ajo e vuan më së tepërmi pas mazhoranca arriti të zgjedh një të përkohshëm, Ambasada Amerikane i është përgjigjur negativisht. Me stilin e saj shkurt e qartë, selia diplomatike e Uashingtonit në Tiranë, shprehet: “Kushtetuta dhe ligji për Prokurorinë janë të qarta”. Ambasada e SHBA mbështet opinionin ligjor që OPDAT dhe EURALIUS i kanë dhënë parlamentit”.
Por çfarë kërkonte opozita?
- Të anulohet akti antikushtetues i zgjedhjes së Prokurorit të Përgjithshëm të Përkohshëm;
- Të plotësojmë vakumin kushtetues dhe ligjor për zgjedhjen e një Prokurori të Përgjithshëm të Përkohshëm, në kushtet e mungesës së KLP-së;
- Pas plotësimit të vakumit kushtetues dhe ligjor, të bëjmë përpjekje serioze institucionale për të caktuar në mënyrë konsensuale një Prokuror të Përgjithshëm të Përkohshëm, që i është nënshtruar paraprakisht procesit të Vettingut me procedurë të përshpejtuar.
Por siç shihet, edhe në këtë rast, opozita nuk e ka më vete faktorin ndërkombëtar, ku veçon ai amerikan.
Ndaj dhe Rama, për shumë propozime të opozitës, e adreson atë që të merr më parë “ok” e Uashingtonit e Brukselit, pas të cilit ai shpreh gadishmëri për t’u përgjigjur opozitës për çfarë ajo kërkon, e theksuar kjo për gjithçka që ka të bëjë më reformën në drejtësi. /tesheshi.com/
