Protesta 3-mujore e opozitës për “zgjedhje të lira e të ndershme” e ka arritur objektivin e saj, jo me një garancia nga qeveria, por duke marrë vetë fatin në dorë të lirisë dhe ndershmërisë së procesit zgjedhor.
Pas emërimit të një zv/kryeministri dhe 6 ministrave teknikë nga opozita, sot është ngritur edhe një Task-force ë do të drejtohet nga zv/kryeministja e PD-së, një institucion që do të garantojë mospërfshirjen e administratës në zgjedhje dhe mospërdorimin e burimeve shtetërore në fushatë.
Në një vendim të publikuar në faqen e Kryeministrisë, thuhet se Taksa Forca në fjalë krijohet me qëllim nxitjen e paanshmërisë dhe trajtimit të barabartë të kandidatëve e partive politike në marrëdhëniet me administratën shtetërore dhe burimet e saj, për krijimin e kushteve të drejta e të barabarta për të gjithë kandidatët dhe partitë politike në procesin elektoral, si dhe për mospërdorimin e fondeve dhe burimeve publike për qëllime partiake.
Për punonjësit përcaktohet qartë se jashtë orarit zyrtar të punës dhe jashtë mjediseve të institucioneve shtetërore ata kanë të drejtë të marrin pjesë në veprimtari politike apo zgjedhore të një partie politike ose kandidati në zgjedhje.
Gjithashtu, drejtuesve të institucioneve u ndalohet përdorimi i makinave dhe karburantit të blerë me paratë e shtetit për fushatë, praktikë e përdorur rëndomtë vitet e shkuara.
Pjesëmarrja në fushatë u ndalohet edhe punonjësve të Gardës së Republikës, punonjësve të Shërbimit Informativ Shtetëror, sigurisht Forcave të Armatosura si dhe strukturat e policisë së Shtetit.
Ndërkohë, strukturat e Policisë së Shtetit, kur konstatojnë përdorimin e automjeteve shtetërore të institucioneve të pushtetit qendror e vendor për veprimtari të fushatës zgjedhore, të bëjnë bllokimin e tyre dhe, menjëherë, të njoftojnë Komisionin Qendror të Zgjedhjeve dhe titullarin e institucionit në përdorim të të cilit është automjeti.
Taska Forca do të monitorojë procesin zgjedhor, përfshirë ditën e votimit, në funksion të mos përfshirjes në të të zyrtarëve apo personave të tjerë që ndodhen në institucione shtetërore, përfshirë personat e burgosur, dhe marrjen e masave për ndëshkimin e atyre zyrtarëve që veprojnë në kundërshtim me ligjin.
Pjesë e kësaj detyre është edhe monitorimi i lëvizjes së nëpunësve të lartë dhe të mesëm shtetërorë në qendër dhe qarqe apo bashki gjatë procesit zgjedhor;
Mbledhja e Taskë Forcës do të bëhen një herë në javë, ndërsa do të monitorojë dhe ndjekje problematikat me listat e zgjedhësve si dhe monitorimin e zbatimit të masave për pezullimin e iniciativave për kontrata të përkohshme në nivel qendror e vendor;
Në rastet e shkeljeve do të bëhet kallëzimi në Prokurorinë e Përgjithshme si dhe do të njoftohet Komisioni Qendror i Zgjedhjeve për problematika të procesit zgjedhor./tesheshi.com/
