Pranimi nga opozita jashtëparlamentare për t’u ulur në tryezën deri më tani të refuzuar të Reformës Zgjedhore, është parë nga kundërshtarë të Bashës si një kapitullim politik i tij, a më saktë i rrugës me dalje jashtë sistemit.
Astrit Patozi ka zgjedhr të ironizojë, duke shkruar:
“Përshëndes dorëheqjen e parevokueshme të Edi Ramës, kryeministrit të qeverisë së krimit dhe të drogës, që i hapi rrugë dialogut kontruktiv mes maxhorancës me opozitën parlamentare dhe atë jashtëparlamentare për të mirën e Shqipërisë. Që prej sot gjithçka është e mundur”.
Ndërsa Rudina Hajdari, n/kryetare e komisionit, të cilën PD e kishte si kusht që mos njihej si e tillë, gati e ka poshtëruar Bashën kur tha: “Besoj se prezenca e PD dhe LSI në këtë tryezë tregon se kanë pranuar që rruga e duhur për të zgjidhur problemet është rruga institucionale, dhe jo e protestave e molotovëve që dëmtojnë Shqipërinë. Besoj se pranuan që rruga që do t’i jepte zgjidhje krizës politike është duke ardhur me ide dhe plane konkrete, të cilat i diskutuam sot.
Ulja e opozitës jashtëparlamentare në tryezën e Roformës Zgjedhore, e cila është tashmë një prej rrugëve për të rihyrë në sistem, nga i cili doli me përbetimin se do rrëzonte Ramën, thuhet se ka ardhur pas një presioni të radhës nga SHBA, por dhe Britania e Madhe, ambasadori i së cilësu shfaq aktiv dhe me deklarime entuziaste për kër këtë zhvilli.
Opozita mandatoi dyshen Bylykbashi-Vasili, për të qenë përballë dyshes Gjiknuri-Hajdari. /tesheshi.com/
