Lidhur me një shkrim të opinionistit Imer Mushkolaj, ku në qendër të një kritike të tij ishte ministri Mjedisit dhe Planifikimit Hapësinor, dr. Ferid Agani, njëherësh kryu i Partisë për Drejtësi, ka reaguar sekretari i kësaj force politike, Fidan Mustafa. Ai e ka quajtur të pavend përmbajtjen e shkrimit të Mushkolajt, sidomos “shkaqet morale” për të denoncuar punën dhe figurën e ministrit Agani, derisa vetë, sipas tij, rezulton me defiçenca të rënda morale si figurë publike me qëndrimet e veta mediatike.
Ja dhe reagimi i sekretarit Mustafa, për shkrimin me titull “Farsa e Feridit”:
“Imer Mushkolaj, ku po të dhemb, trego!!???
Je bërë merak për premtimet e Ferid Aganit që nuk i ka realizuar (sipas jush), apo po të dhemb dikund tjetër trego?
Sa pash unë, keni ngritur çështje sa për të hedhur hi syve qytetarëve se me demek po thoni diçka lidhur me punën e Ferid Aganit, përkundër qe ju nuk jeni as profesionalisht i aftë për këtë vlerësim e as moralisht për vlerësim të drejtësisë së Ferid Aganit.
Po harroni qe ju kur po flitni për liritë dhe të drejtat e njeriut, drejtësinë, premtimet etj., ju gjatë gjithë këtyre vjetëve keni qenë proklamuesi më dhunues i të drejtave dhe lirive të njeriut të këtij populli.
E sot po shet ‘Moral’ e drejtësi, po harroni që rreshtimi juaj gjatë gjithë kësaj kohe ishte përkrah dhunuesve e shtypësve, tiranëve e matrapazëve. Sa për rikujtim, po të kujtoj shkrimin e datës 24 gusht 2015 ku ju keni deklaruar se:“Lejimi i bartjes së shamive nëpër shkolla duhet të jetë alarmante për të gjitha institucionet, se sa të rrezikshme mund të janë ato…”
Ju z.Mushkolaj po harroni thirrjet tuaja raciste që bënit dikur me moton “Shtypni kokat”, se një i çmendur diku në shtetet arabe paska bërë një vepër, e po dashka një shtet me shtyp.
Po harroni se idetë tuaja dhe urrejtja për njerëzit që besojnë në Zot, janë po aq raciste sa janë edhe fashiste.
Me fal, por ju nuk keni të drejtë te flisni për moralin dhe dinjitetin e askujt, ju nuk keni të drejtën të shprehni dhembshurin e djallit për askënd për të arritur një veprim djallëzorë e manipulues të opinionit publik, duke manipuluar me terminologjinë e shprehjes …”
/tesheshi.com/
