Gjashtë serbë të cilët u arrestuan nga forcat speciale të policisë së Kosovës të martën në Zubin Potok, u liruan gjatë mbrëmjes, raportuan media në Prishtinë.
Kjo pasi gjyqtarja e Gjykatës Themelore në Mitrovicë, Ljiljana Stevanoviç, refuzoi kërkesën e Prokurorisë së Kosovës për të urdhëruar paraburgimin për ta.
Gjyqtarja serbe, pra bashkëkombase e të arrestuarve, ka vlerësuar se nuk kishte prova të mjaftueshme nga prokuroria për të vazhduar paraburgimin ndaj të gjashtëve.
Edhe një anëtar serb i stafit të OKB-së u lirua gjithashtu.
Operacioni që çoi në arrestimin e tyre u trajtua nga autoritetet e Kosovës në kuadër të luftës kundër krimit, korrupsionit dhe kontrabandës. /tesheshi.com/
