Policia e Shtetit ka finalizuar me sukses operacionin e koduar “Next” ku ka sekuestruar disa kilogram lëndë narkotike dhe arrestoi posejduesin e saj.
Burimet bëjnë të ditur se është arrestuar shtetasi Alfred Murati, 35 vjeç, banues në fshatin Nuaj, Njësia Administrative Cudhi, Krujë.
“Ky shtetas më datë 12.08.2017, është konstatuar duke lëvizur me automjetin e tij tip “Mercedez” në aksin rrugor Fushë Prezë – Rinas dhe është ndaluar nga shërbimet e policisë në fshatin Ahmetaq, ku gjatë kontrollit fizik të ushtruar në automjet janë gjetur qese plastike të mbushura me lëndë narkotike e dyshuar Cannabis Sativa.
Në cilësinë e provës materiale janë sekuestruar:
– 43 kilogramë e 550 gramë lëndë narkotike e dyshuar e llojit Cannabis Sativa.
– Automjeti tip “Merecedez”.
– 2 aparate celularë.
Materialet u referuan pranë Prokurorisë së Rrethit Gjyqësor Tiranë në ngarkim të shtetasit të lartpërmendur për veprën penale ” Prodhim dhe shitje të narkotikëve”, parashikuar nga neni 283/1 i Kodit Penal”, thuhet në njoftimin zyrtar të policisë. /tesheshi.com/
