Si në çdo ngjarje me përmasa botërore, edhe në rastin e sulmit që forcat turke kanë ndërrmarrë në Sirinë veriore në kufi, ka patur jo pak fake news-se. Media turke ka vendosur t’i denoncojë këto raste, të cilat më së shumti përfaqsohen nga foto-lajme. Siç shkruan Anadoly, fotot për të cilat është pohuar se janë kapur gjatë Operacionit të Forcave të Armatosura Turke (TSK) në operacionin “Dega e Ullirit” në Afrinin sirian, janë regjistruar shumë më herët dhe kanë të bëjnë me raste dhe situata krejtësisht tjera.
Në Twitter është shpërndarë një foto e një ndërtese të ndezur në flakë, me pretendimin se autoritetet turke kanë bombarduar popullsinë civile në Afrin. U zbulua se fotografia u mor gjatë një zjarri të një ndërtese që ndodhi më 26 prill 2016, në zonën e Salmiya të Kuvajtit.
Në Facebook është shpërndarë një foto e një tenku në flakë me një përshkrim se si një tenk i forcave ushtarake turke TSK u godit në Bulbul, zonën veriore të Afrinit. Fotografia në fakt është marrë në Han Yunus, në jug të Rripit të Gazës më 19 korrik 2014.
Në Twitter, është shpërndarë një fotografi e një gruaje, me pretendimin se ajo ishte plagosur në operacion dhe më vonë kishte vdekur nga ngrirja. Fotoja është marrë në Siri, ku paraqitet një grua e cila vdiq nga të ftohtit, në përpjekje për të kaluar nga Siria në Liban me familjen e saj, më 18 janar 2018.
Përveç kësaj, dje në disa profile të rrjeteve sociale, u shpërnda një fotografi për të cilën pretendohej se i përkiste një fëmije të plagosur gjatë operacionit, dhe doli se ai ishte qëlluar në vitin 2016, dhe se nuk kishte të bënte asgjë me operacionin në Afrin.
Shtabi i Përgjithshëm i Ushtrisë Turke konfirmoi të dielën në mëngjes se të shtunën kishte nisur operacionin e quajtur “Dega e Ullirit” në rajonin Afrin, i cili ka shkuar sipas planit dhe se në të ishin përfshirë edhe forcat tokësore. /tesheshi.com/
