Në një operacion të gjerë ndërkombëtar kundër kontrabandës së pijeve, ushqimit dhe produkteve mjekësore potencialisht të rrezikshme, u kapën 17,000 teste false për virusin koronar, njoftoi Interpol.
Në operacionin e kryer nga Interpol dhe Europol në 77 vende midis dhjetorit 2019 dhe qershorit 2020, u kapën më shumë se 12,000 tonë mallra me vlerë 40 milion dollarë.
Operacioni çmontoi 19 organizata kriminale dhe arrestoi 407 persona.
Produkte mjekësore të falsifikuara
U sekuestruan edhe produkte të qumështit të kontaminuar, mish kafshësh të vrarë në mënyrë të paligjshme dhe produkte mjekësore të falsifikuara.
Një depo me djathë të infektuar me bakterin Escherichia coli u zbulua në Bullgari, dhe 6.500 litra pije energjike të skaduar dhe më shumë se shtatë ton qumësht dhe djathë të prishur u kapën në Jordan.
Në Afrikën e Jugut, një dërgesë nga Azia që supozohej të përmbajë pajisje mbrojtëse mjekësore ishte në të vërtetë një dërgesë ushqimesh deti, sipas Interpol. /tesheshi.com/
