Një operacion ndërkombëtar kundër kontrabandës të duhanit ka rezultuar me kapjen dhe sekuestrimin nga ana e policisë dhe doganave të Kosovës të një sasi të duhanit që vlerësohet të arrij shumën e mjeteve deri në 150 mijë euro kanë njoftuar burime të portalit ‘tesheshi’.
Kapjen dhe sekuestrimin e kësaj sasie të cigareve e që dyshohet se ishin te destinuara për tregun e zi e ka konfirmuar policia dhe doganat e Kosovës.
Policia me këtë rast ka arrestuar shoferin e maunes dhe ndaj tij Gjykatësi i Gjykatës Themelore të Mitrovicës ka caktuar paraburgimin prej 30 ditëve, kanë thënë zyrtarë të policisë në Mitrovicë.
Më konkretisht, në këtë operacion në pikëkalimin kufitar G1 në Jarinjë të Leposaviqit në veri të Kosovës, janë kapur dhe sekuestruar 1280 kuti me duhan të llojit ‘Marble’ dhe ‘Hashimo’.
Sipas burimit, maunia e ngarkuar me ketë sasi te cigareve ka ardhur nga një vend i BE-së dhe kishte si destinim tregun e Greqisë, ndërs nëpër Kosovë do të kalonte vetëm transit.
Duhani i sekuestruar është dërguar në terminalin doganor në jug të Mitrovicës
Zyrtarë të doganave e të policisë së Kosovës nuk kanë dashur të komentojë arsyen se pse konfiskimi i rreth 150 mijë euro cigare është mbajtur larg syve të opinionit.
Operacioni i sekuestrimit të duhanit është mbajtur sekret për arsye të zhvillimit të hetimeve pasi që dyshohet se në këtë operacion janë të përfshirë qytetarë nga Kosova, Maqedoni dhe Greqia.
Dy pikëkalimit kufitare në veri të vendit, G1 në Jarinjë të Leposaviqit dhe G 31 në Bërrnjak të Zubin Potokut, janë krijuar në dy kanale të preferuara për kontrabandistë vendore e ndërkombëtarë.
Problemet politike dhe te sigurisë në veri të Mitrovicës dhe Kosovës ka bërë që kontrabandistët të filtrojnë më lehtë në këtë pjesë të Kosovës për të depërtuar edhe jashtë kufijve të saj mallra kontrabandë.
Ditë më parë policia e Kosovë në hyrje të pjesë veriore të Mitrovicës ka ndaluar dhe konfiskuar një kamioni i cili po barte pije alkoolike kontrabandë. /tesheshi.com/
