Operacion masiv i Policisë rrugore në të gjithë vendin ndaj personave që ecin me makinë kur konsumojnë pije alkolike.
Siç njofton Drejtoria e Policisë, nga Policia Rrugore dhe Task -Forca e Policisë Rrugore në të gjithë vendin duke përdorur Dragerat dhe Radarët janë arrestuar në flagrancë për drejtim mjeti në gjendje të dehur, pa leje drejtimi dhe shpejtësi tej normave të lejuara 22 drejtues mjetesh.
Janë pezulluar 94 leje drejtimi për shpejtësi tej normave të lejuara në qendra të banuara, si dhe për drejtimi mjeti nën ndikimin e alkoolit dhe në gjendje të dehur.
Ndërkohë, 108 raste janë ndëshkuar për komision, si dhe janë bllokuar 6 automjete për mungesë dokumentacioni.
Policia njofton se 19 persona u arrestuan në flagrancë për vjedhje, ndërtim pa leje, për dhunë në familje, kanosje, shkatërrim prone. 12 persona për krime ndaj personit, kundërshtim të punonjësit të policisë, përndjekje.
Janë kapur 15 persona në kërkim dhe për armëmbajtje pa leje.Janë sekuestruar 3 armë zjarri, 7 krëhëra, 281 fishekë, 3 kg lëndë plasëse Tritol, 100 kapsolle donator, si dhe 19 kg lëndë narkotike.
Po gjatë kontrolleve janë shoqëruar për verifìkim 34 persona.
/tesheshi.com/
