Europol ka bërë publik një operacion gjigand anti-krim në disa vende europiane, ku në shënjester kanë qenë bandat shqiptare, e cilësuar dhe si “mafia shqiptare”, mu prej aktivitetit shumëpërmasor, prej trafikut të drogës e deri te ai i qenieve njerëzore.
Bëhet fjalë për një operacion zhvilluar në dy ditë, me pjesëmarrjen e 600 oficerë policie, ku në finaleë u arrestuan 65 shqiptare
“Krimi i organizuar shqiptar vazhdon të mbetet një shqetësim për vendet në Evropë. Në mars, ekspertët mbi krimin shqiptar u mblodhën në selinë qendrore të Europol në Hagë për të diskutuar mënyrat për t’i trajtuar më mirë këto klane të dhunshme të mafias. Operacionet e mëtejshme të këtij lloji pritet të ndodhin në të ardhmen e afërt”, thuhet në një njoftim zyrtar të Europol-it.
Operacioni u shtri në disa shtete europiane, përfshi Anglinë, Francën, Hollandën dhe Belgjikën.
Bandat kishin shkuar gjer aty sa të kultivonin deri dhe parcela me kanabis në territoret e këtyre vendeve. Pra, të ndërtonin enklava të tipit “Lazarat” në zemër të Europës. /tesheshi.com/
