Ambasadori i BE-së në Tiranë, italiani Luigi Soreca, përshëndeti operacionin mëtë fundit italo-shqiptar, i konsideruar si më i madhi gjer më sot në luftën kundër drogës në dy anët e Jon-Adriatikut.
Soreca, njëherësh ish-prokuror anti-Mafia, i afërt me dyshen legjendare Falcone-Borselino, e cilësoi aksionin si brilant.
“Aksion brilant kundër trafikimit ndërkombëtar të drogës kryer nga prokuroria dhe policia italiane e SPAK-u dhe policia e shtetit shqiptar, me mbështetjen e organizatës europiane për trafikimin e drograve.
Lufta kundër krimit të organizuar është prioriteti i Bashkimit Europian dhe Shqipërinë në rrugën e saj drejt Unionit”, shkroi njeriu që përfaqëson Brukselin në Tiranë. /tesheshi.com/
