Policia e Tiranës njoftoi se nga një operacion i koduar me emrin “Baza”, është arritur të zbulohet baza e furnizimit me armë të kontigjenteve kriminale në Shqipëri.
Sipas policisë, është shtetasi Ramazan A, 64 vjeç, banues në Tiranë, i cili e posedonte arsenalin e armëve në shërbim të krimit. Edhe ai vetë ka qenë i njohur si kontigjent krimi, pasi është dënuar më parë për “prodhim dhe mbajtje pa leje e armëve dhe municionit luftarak”.
“Ky shtetas kishte përshtatur banesën e tij në një bazë e cila iu shërbente grupeve kriminale apo personave që merren me veprimtari kriminale për furrnizim me armë zjarri”, informon policia.
Raporti policor thekson më tej se “gjatë kontrollit të ushtruar u gjetën dhe u sekuestruan në cilësinë e provës materiale :
– 3 armë zjarri (automatik model 56 dhe dy pushkë gjysmë automatike).
4 armë zjarri të çmontuara (3 snajpera dhe 1 armë sportive).
– dy armë sportive.
– municion luftarak i llojeve të ndryshme, silenciator dhe pjesë të ndryshme armësh zjarri.
Për arsye hetimi nuk bëjmë me dije të dhëna të tjera”, thuhet më tej në informacionin e shpërndarë nga policia. /tesheshi.com/
