Operacioni “Akili”, i cili është ende në vazhdim, u ka sjellë mafiozëve ballkanikë 111 vite burg, që nuk është fundi, por vetëm fillimi, pohon Daniel Lichtenegger, kreu i Zyrës Kundër Narkotikëve në Shërbimin Kriminal Federal të Austrisë.
Falë softuerit të Byrosë Federale të Hetimeve (FBI) në lidhje me 700 milionë biseda, 140 anëtarë të mafies së drogës në Ballkanin Perëndimor janë arrestuar që nga prilli i vitit të kaluar, tha ai.
Lichtenegger tha për të përditshmen Kronen Zeitung se 25 anëtarë të mafias ballkanike janë dënuar me gjithsej 111 vite burg,.
Ndaj rreth njëzet personave është ngritur aktakuzë dhe rreth 90 të dyshuar janë aktualisht në paraburgim, shumica prej tyre në Vjenë.
Në operacionin “Akili” u arrestua Dario D., i njohur ndryshe si “Dexter”, i cili sipas Lichtenegger është “peshku më i madh” që ka rënë në “rrjetën” e policisë austriake.
Ai shtoi se hetimi i deritanishëm jep vetëm një pasqyrë të vogël të aktiviteteve të mafies ballkanike.
Ai thekson se dënimet e deritanishme janë vetëm fillimi dhe se do të vijojnë aktakuzat, pasi që ende nuk ka përfunduar puna për analizimin e sasive të mëdha të të dhënave nga bisedat e monitoruara.
Lichtenegger raportoi se banda ndëshkoi, abuzonte dhe vrau kundërshtarët në mënyrën më brutale në tokën austriake.
Sipas mediave, “Dexter” vazhdon të bëjë punë të përgjakshme nga burgu dhe lidhet me vrasjen e fundit të Branislav P. në Obrenovc, i cili u vra pasi “vuajti” dënimin në Austri.
Një nga “ushtarët” e tij më të rëndësishëm u dënua me nëntë vjet burg vetëm dy javë më parë.
Srećko St. nga Serbia ishte ngarkuar me marrjen në dorëzim të lëndëve narkotike dhe shpërndarjen e tyre nëpër banesa që shërbenin si vendstrehim.
Që nga fillimi i operacionit, në prill të vitit të kaluar, policia austriake ka kontrolluar 126 banesa, duke sekuestruar 50 kilogramë kokainë, 33 kilogramë heroinë, 667 kilogramë kanabis dhe 600 gama drogë sintetike.
U sekuestruan më shumë se një milion euro para të gatshme, 51 pistoleta dhe pushkë dhe më shumë se 1000 fishekë. /tesheshi.com/
