Policia italiane arrestoi të mërkurën 61 persona të akuzuar si anëtarë të grupit të fuqishëm të krimit të organizuar Ndrangheta, me bazë në rajonin e Kalabrisë.
Operacioni i quajtur Maestrale – Carthago ka nisur mëngjesin e sotëm në jug të Italisë.
Në kuadër të hetimit të koordinuar nga Nicola Gratteri, një prokuror veteran antimafia nga Catanzaro, u arrestuan të dyshuar për një sërë krimesh, nga zhvatja deri te grabitja dhe trafiku i drogës. Rreth 500 anëtarë të forcave të sigurisë morën pjesë në operacion.
Arrestimet pasuan një operacion të madh ndërkombëtar në të cilin rreth 130 persona u burgosën në shumë vende evropiane me akuza për trafik droge dhe lidhje me Ndrangheta-n.
Një rrjet sekret i familjeve mafioze nga Kalabria në Italinë jugore, Ndrangheta ka qenë në rritje dhe është bërë një nga grupet më të fuqishme të krimit të organizuar në botë, si dhe një nga trafikantët më të mëdhenj të kokainës në Evropë.
🚨 132 ‘Ndrangheta mafia members arrested after investigation by Belgium, Italy & Germany.
👮 Europol & @Eurojust supported the international operation, which is the largest-ever coordinated hit against Italian organised crime.
Press release ⤵️https://t.co/QSwiY6Cupm#EMPACT pic.twitter.com/xwsXrE63Wi
— Europol (@Europol) May 3, 2023
Gratteri aktualisht po drejton gjyqin më të madh deri më sot kundër anëtarëve të dyshuar të kësaj organizate, e cila përfshin më shumë se 400 persona.
Që kur u bë prokuror në rajonin e tij të origjinës tre dekada më parë, magjistrati ka jetuar nën mbrojtjen e policisë. Me kalimin e viteve, policia ka penguar disa tentativa për ta vrarë.
Në një operacion të veçantë, policia kombëtare italiane arrestoi 27 persona të akuzuar për trafik droge në Sardenja, ishulli i dytë më i madh i Italisë.
Gjatë hetimeve dyvjeçare që çuan në këto arrestime, autoritetet sekuestruan 36 kilogramë kokainë jashtëzakonisht të pastër dhe dokumentuan kontrabandën e më shumë se 200 kilogramëve kokainë në Sardenjë.
Policia vlerësoi se të ardhurat nga tregtimi i paligjshëm i drogës kapin vlerën e më shumë se 25 milionë eurove. /tesheshi.com/
