Operacionet e ardhshme të Shqipërisë në kampin famëkeq Al-Hol në Siri, do të përfshijnë dhe shtetas nga Kosova, përfshirë fëmijë.
Kjo u bë me dije nga Bedri Elezi, Drejtor i Institutit të për Studime Ndërkombëtare në Kosovë, gjatë një interviste në Report Tv.
“Rreth 50 kosovarë kërkuan ndihmë për riatdhesim nga Shqipëria. Shpresoj që operacioni shqiptar të marrë të paktën me vete edhe fëmijët e Kosovës në këtë grup dhe më pas do bisedojnë me autoritetet e Kosovës për t’i riatdhesuar.
Ka pasur biseda që në këtë grup autoritetet shqiptare të marrin në këtë grup edhe fëmijë nga Maqedonia dhe Kosova. Edhe fëmijët e Maqedonisë do riatdhesohen“, tha Elezi. /tesheshi.com/
