Franca ka bërë thirrje për një takim urgjent të Këshillit të Sigurimit të Kombeve të Bashkuara mbi Sirinë, pas fillimit të operacionit anti-terror të Turqisë në provincën veriore të Sirisë, në Afrin tha të dielën Ministri i Jashtëm francez Jean-Yves Le Drian.
“Ghouta, Idlib, Afrin,… Franca kërkon një mbledhje urgjente të Këshillit të Sigurimit”, tha Le Drian në një postim të tij në Twitter. Ai shtoi se kishte biseduar me homologun e tij turk Mevlüt Çavuşoğlu të dielën në mëngjes.
Forcat tokësore turke u futën në krahinën veriore të Sirisë, në Afrin si pjesë e Operacionit “Dega e Ullirit”, të dielën pasi Turqia nisi sulmet ajrore dhe me artileri mbi bashkëpunëtorët sirianë të PKK-së, PYD dhe krahun e tij të armatosur YPG, me qëllim që t’i largojë nga kufiri i saj.
Të shtunën, të dërguarit dhe shefat e misioneve të anëtarëve të përhershëm të Këshillit të Sigurimit të OKB-së, Shtetet e Bashkuara, Rusia, Mbretëria e Bashkuar, Franca, Kina, u ftuan në ministrinë e jashtme turke për një konferencë mbi Operacionin “Dega e Hurmës”. /tesheeshi.com/
