Një operacion i madh antidrogë është zhvilluar përgjatë vijës bregdetare nga Shkodra deri në Vlorë, ku kanë marrë pjesë policia kufitare, Delta Forcë si dhe Guardia di Finanza.
“Vijon puna intensivisht në bashkëpunim dhe koordinim me Nuklin e kufirit detar të Guardia di Finanza në luftën kundër trafiqeve të paligjshme.
Kohët e fundit ka një rritje akoma më shumë të nivelit të bashkëpunimit me partnerët kryesorë të kontrollit të kufirit blu, duke bërë të mundur kapjen dhe sekuestrimin e disa mjeteve lundruese të gatshme për trafik lëndësh narkotike.
Falë asistencës së dhënë edhe në profilin trajnues nga partnerët, ka një rritje të kapaciteteve reaguese të Policisë Kufitare që operon në det, por edhe të Drejtorive Vendore të Policisë Vlorë, Durrës, Lezhë e Shkodër, të cilat kanë në juridiksion hapësirë detare.
Shkëmbimi i informacionit behet në kohë reale me Policinë italiane dhe Guardia di Finanza, në koordinim të plotë me zyrën Ndërlidhëse të Policisë së Shtetit në Bari”, raporton policia.
